பிரிக்ஸ் மாநாடு 2026 - புது டில்லி

 பிரிக்ஸ் மாநாட்டில் சீன அதிபரின் உரை:

மத்திய கிழக்கில் அமைதி மற்றும் ஸ்திரத்தன்மை:

பதற்றத்தைக் குறைத்தல், மோதல்களை முடிவுக்குக் கொண்டுவருதல் மற்றும் அமைதி நடவடிக்கைகளை ஊக்குவித்தல் ஆகியவற்றை நோக்கமாகக் கொண்டு செயல்பட வேண்டும்.

அரசியல் தீர்வு மட்டுமே போர்களை முடிவுக்குக் கொண்டுவரும்:

பிரச்சினைகளுக்கான மூல காரணங்களைக் கண்டறிதல், சமாதான சகவாழ்வை ஏற்றுக்கொள்ளுதல், பரஸ்பர நம்பிக்கையை ஏற்படுத்துதல் மற்றும் பாதுகாப்பான கட்டமைப்பை உருவாக்குதல் ஆகியவை அவசியமானவை.

பாலஸ்தீன - இஸ்ரேல் விவகாரம்:

இருதரப்பு பேச்சுவார்த்தை மட்டுமே சிக்கல்களை எளிதாக்கும். அமைதியிலும் சகவாழ்விலும் நம்பிக்கை வைக்க வேண்டும். இதற்காகச் சீனா தனது சக பிரிக்ஸ் (BRICS) உறுப்பினர்களுடன் இணைந்து உரிய பங்கை ஆற்றுமா?

"ஒரு சுவையான சூப்பின் அழகு, அதில் சேர்ந்துள்ள பல்வேறு சுவைகளின் கலவையில்தான் உள்ளது."

பலதரப்பட்ட கலாச்சாரங்களின் அழகும் அதுவே.

விதிமுறைகள் இல்லாத உலகம் ஆபத்தானது:

போக்குவரத்து சிக்னல் (Traffic Signal) போக்குவரத்தைச் சீர்குலைப்பதில்லை; மாறாக ஒழுங்குபடுத்துகிறது.

சர்வதேச உறவுகள்:

நிர்வாக அனுபவங்களைப் பகிர்ந்துகொள்வதும், நேர்மறை ஆற்றலை உருவாக்குவதும் அவசியம். சர்வதேச அமைப்புகள் மற்றும் உடன்படிக்கைகளிலிருந்து வெளியேறுவது அல்லது போட்டி அமைப்புகளை உருவாக்குவது நல்லதல்ல.

பரஸ்பர மரியாதை:

ஒருவருக்கொருவர் உள்ள முக்கியக் கவலைகளை மதிக்க வேண்டும்; மேலும் பரஸ்பர புரிதலை அதிகரிக்கவும், கருத்து வேறுபாடுகளைச் சரியாகக் கையாளவும் பேச்சுவார்த்தைகளே சரியான தீர்வு.

                          -0-

உரைகளில் "அண்ணன் சீனா" நன்றாகத்தான் பேசுகிறார். ஆனால் நடைமுறையில், தன்னை இன்னொரு "பிக்பாஸ்" ஆக உருவகப்படுத்திக் (project) கொள்கிறார். அமெரிக்காவிற்கு மாற்று நிச்சயம் சீனா அல்ல.

​பிரிக்ஸை தங்களது சந்தை விரிவாக்கத்திற்கும், பிராந்திய தாதா பிம்பத்திற்கும் (regional dada image) பயன்படுத்த நினைக்காமல், அனைத்து நாடுகளும் தங்களது சுய அடையாளத்தோடு "அனைவரும் சமம்" எனும் கருத்தை நோக்கிப் பயணிக்க வேண்டும் என்பதே அனைவரின் விருப்பம்.

​அண்ணன், தனது ஓயாத எல்லை சண்டையை எப்போது நிறுத்தப் போகிறார்? விட்டுக்கொடுத்தல் என்பது இருபுறமும் நடக்கவேண்டாமா?

​உலக போலீஸ்காரரான அமெரிக்கா—அடி வாங்கினாலும் வலி வெளியே தெரியாமல் "நான் யாரு தெரியுமா... உங்க அப்பன் மவனே சிங்கம்டா!" என காமெடி படத்து வில்லன் பாணியில் கெத்து காட்டினாலும்—பிரிக்ஸின் வளர்ச்சி குறித்து உள்ளுக்குள் கடுமையாக எரிச்சல் அடைகிறார். மேற்கத்திய நாடுகளின் நிலையும் அதுவே!

#BRICKS 

#China #