சாலமன் பாப்பையா

கல்வியாளர, சொற்பொழிவாளர், திரு. சாலமன் பாப்பையா அவர்கள், தனது 90-ஆவது வயதில் காலமானார்.

காலை நேரத் தொலைக்காட்சி நிகழ்ச்சிகள் வாயிலாக, 25 ஆண்டுகளுக்கும் மேலாகத் தமிழ்நாட்டு ரசிகர்களைத் தம் பேச்சால் கட்டிப்போட்டவர்.

'வெட்டி-ஒட்டிப் பேசும்' விவாதக் கலையை பட்டிமன்றம் என்ற வடிவத்ததில் மக்கள் மன்றத்திற்கு எடுத்துச் சென்று பிரபலப்படுத்தியதில் இவருக்குப் பெரும் பங்கு உண்டு.

ஒருபுறம், எல்லாவற்றையும் மிகத் தீவிரமாகப் பேசும் பாரதி பாஸ்கர்; மறுபுறம் எல்லாவற்றையும் அன்றாட நகைச்சுவையாக விவரிக்கும் ராஜா; இவ்விருவருக்கும் நடுவில் ஓரளவுக்கு யூகிக்கக்கூடிய தீர்ப்புகளோடு காத்திருக்கும் பாப்பையா — இதுவே அவரது வெற்றிச் சூத்திரம்.

அக்காலத்தில், குறிப்பிட்ட சில உள்ளரங்கங்களில் மட்டுமே நடைபெற்றுக்கொண்டிருந்த இத்தகைய சுவாரசியமான சொற்பொழிவுகளை, மக்கள் அனைவரும் கேட்டு மகிழும் வண்ணம் பரவலாக்கியவர் அவரே.

"கற்பில் சிறந்தவர் கண்ணகியா? மாதவியா?" போன்ற வழக்கமான பாணித் தலைப்புகளிலிருந்து விலகி, அன்றாடக் கவலைகளையும் குடும்பச் சிக்கல்களையும் பட்டிமன்றத் தலைப்புகளாக மாற்றியவர்.

"பிறந்த வீடா? புகுந்த வீடா?", "மருமகளா? மருமகனா?" போன்ற தலைப்புகள், அக்காலத்தில் எவரையும் தொலைக்காட்சிப் பெட்டியின் முன் கட்டிப்போடக்கூடியவையாக இருந்தன.

தீபாவளி, பொங்கல் போன்ற சிறப்பு நாட்களில்,  விருந்தினர்களையும் உறவினர்களையும் கூட இரண்டாம் பட்சமாக்கி, மக்களைத் தொலைக்காட்சியின் முன் அமர வைத்தவர்.

இவரது உரைகளில் மலிவான நகைச்சுவையோ, எள்ளலோ, அநாகரிகமான கருத்துகளோ ஒருபோதும் இருந்ததில்லை. உருவக்கேலியோ, ரசனைக் குறைவான பேச்சுகளோ இடம் பெற்றதே இல்லை.

பட்டிமன்றம் போன்ற வெகுஜன மேடைகளிலும் நயமான உரைவீச்சுகளையும், தமிழ் இலக்கிய-கவிதை வரிகளையும் மேற்கோள்களாக எடுத்துரைத்தவர்.

அரங்கத்தை  அடுத்த நிலைக்கு உயர்த்த முயற்சித்ததோடு, பட்டிமன்ற உரைகள் வெறும் 'மேல்தட்டு மக்களுக்கு' (Elite) மட்டுமானது அல்ல என்பதையும் நிரூபித்துக் காட்டியவர்.

பேச்சு வழக்கில் கூடக் கூடுமானவரை இயல்பான எழுத்துத் தமிழையே பின்பற்றியவர்.

பட்டிமன்ற பேச்சுகள் அனைத்தும் "ஒரு ஏற்பாடு" அல்லது scripted என்றாலும், அதிலும் ஒரு professional approach உடன் செய்தவர்.

இவரது கம்பீரப் பேச்சும், எளிமையான நடையும் தமிழர்களின் நெஞ்சில் காலத்திற்கும் நிலைத்து நிற்கும்.